يام العين الكحلى

كلمات وألحان:
الأخوين الرحباني
هي يا إمّ العين الكحلى .. الْـ منحبّ غْنَانيها
كنتِ بْهاك الغرَّة أحلى .. وحْياتِك ردّيها

غرَّة ويا عيوني شو غرَّةْ .. عَ جبينا تْلُوحْ
عم بترَفْرِف متل الزهرةْ .. وللنسمة تبُوحْ
وشريطة خضرا .. يوه
وارقُص يا شعرا .. هِي
ما كانت أحلى .. إي والله
الدنيِي تضحكلا .. إي والله
تْعَو تَ نْقلّا .. يلّلا يلّلا

كانوا تحت الغرّة عيونَا .. غمزات حلوينْ
والغرّة ترَفْرِفْ عَ جفونا .. وترشّ تلوينْ
وقلوب تتطلّعْ .. يُوه
عَالشَّعر الْـ يِلمَعْ .. هِي
ما كانت أحلى .. إي والله
الدنيِي تضحكلا .. إي والله
تْعًو تَ نْقلّا .. يلّلا يلّلا