كلمات وألحان:
الأخوين الرحباني
أنا عَ دِنْيِتَك عَصفور لافِي
على لحن الهوى والحُبّ غافي
غاطِطْ حدّ شبّاكَك يغَنِّي
حتّى تطلّ ويقلَّك عَوَافي

كرمالَك كرمال عيونك
كرمال الفَيّ والدار والعِشْرِة
كرمالَك عَ ظِلّ غصونَك
هالعين بتسُوحْ واسآل يا عمري
اسآل اسآل اسآل اسآل يا عمري
كرمال الفَيّ والدار والعِشْرِة

طلَّينا عَ ربوع دْيَارَكْ
شو لَون شو غَيم شو كروم عم تلمعْ
طلّينا ولْقِينا دَارَك
مفتوح عَ كلّ هالخير ومْشرّعْ
دارَك هَيْك مفتوح للخير ومشَرَّعْ
شو لون شو غيم شو كروم عم تلمعْ

بيلوحْ .. رَبعَك ببالي
وسطوحْ .. مليانِة دْوَالي
والقلب يحنّ .. والشوق يجنّ
وعالبال تعنّ .. هاك اللَّيالي

كلمات أغاني فيروز - فيروزيّات

2006 - 2022

صُنِع بالـ♥