بكرا بيجي نيسان

بُكرا بيِجي نيسانْ يسألْنا
وبيرِشّ وَرْدو عَ مَنَازلْنا
منْخَبِّرو شو صارْ .. منسَمِّعو الأشعارْ
يللي كنتْ فيها تْغَازلنا

بُكرا بيِجي نيسان يِغوينا
ويمَوِّج زْهُورو بْرَوَابِينا
منحْكِيلُو عَ اللّي كانْ .. منْسَمِّعو الألحانْ
يللي كنتْ فيها تْنَاجِينا

ناطرين تلوحْ .. يا حلو وتْبوحْ
وتْسَمِّعْ شْكَاوِيك للوَرداتْ
ناطرين نْضِيعْ .. عَالدرب وتْشِيعْ
عن هَوَانا بْهالدِّنِي حْكاياتْ

بُكرا بيِجي نيسان يسْعِدْنا
وعَ تلال أحلامو يْبَعِّدْنا
منْتِيْهْ شِرْدانِينْ .. عَ دْروبْ مخْضَرِّينْ
وأرض الهَوَى والحُبّ مَوعدنا