بَدِّي خَبِّركُن

بَدِّي خَبِّركُن قِصَّة زغيرة

زغيرة القِصَّة وإنتو زغار

منحكي وبتصير الليلة قصيرة

بكرا إن شاء الله تصيروا كبار

 

ليلة عيد.. فرح جديد

والأطفال انوَعَدُوا بالطفل السعيد

غنيَّات، لِعَب وزِينَات

وتتزَيَّن الشجْرَة للمِيلاد السعيد

 

وكان في ولاد نِسْيِت الأعياد

نِسْيِت تزُورُن بلَيْلِةِ المِيلاد

بَيْتُن بعيد والقِرْش بعيد

وما عِندُن تَـ يزيّنُوا شَجْرِة المِيلاد

 

صاروا يصَلُّوا يركَعُوا يصَلُّوا

يمكن صَلاتُن بَكِّت الدِّني

وكان في برَّا عِندُن شَجْرَة

شَجْرَة عُمرَا شي ميِّة سنة

 

وفي رَفِّ عصافير ملَوَّن حلو كتير

وبَدُّوا يبِيتْ وما بَقَى بَكِّير

غَطِّ بهالشجْرَة صارت صَفرا وحَمرا

وطَلُّوا الولاد وتزيَّنِت الشجْرَة

 

وفِرحوا كتير بالزينة الـ بتطير

وصاروا يغَنُّوا ويغَنُّوا العصافير

ونِزِل العيد عَيَّد مَعُهن العيد

ومِن عَ بُكرَا سَلَّمُوا وطَارُوا العصافير

 

خِبَّرنَاكن قِصَّة زغيرة

زغيرة القِصَّة وإنتو زغار

حكينا وصارت الليلة قصيرة

وبُكرا إن شاء الله تصيروا كبار