يا رئيس البلدية

يا رَئيس البَلَدِية .. خْطَيِّةْ ومِيِّة خْطَيِّةْ
أنا شو ذَنْبي كِل ساعة بتِبعَتْلِي البُولِيسيِّة
يا رَئيس البَلَدِية .. يا رَئيس البَلَدِية

ما قِلْتْ لْحَدَا يْسافِرْ .. وِصْلوا وقَطْعوا تَذَاكِرْ
شَغلِة وصارِتْ وحْيَاتَكْ لا تْحِطّ الحقّ عليِّي
يا رَئيس البَلَدِية .. يا رَئيس البَلَدِية

شو بدّي أعمِل فِيهُن .. نَيِّمهُن وطَعمِيهُن
هَيدا بدُّو تبّولِة وهيدا بدّو مْلُوخِيِّة
ناقِص تقلي بَطَاطا وتقدِّم عَ الصَينيِّة

بَلَدِيِّتْكُن كَرِيمِة .. كِل يوم عِندا عَزيمِة
طَعميهُن عَلى حْسابَك بيصير عِندك شَعبيِّة
يا رَئيس البَلَدِية .. يا رَئيس البَلَدِية

لَكِن مَرتي بَخيلِة .. وين ما بْروحْ بْتِصْلِيلي
إذا بتأخَّرْ شِي لَيلةْ بتْوَصِّلْنِي الدَّوْرِية
لَيلِة بينام بْبَيتو ولَيلِة بالبَلَدِية

فإذاً هَي نامُوسِيِّة .. يا رَئيس البَلَدِية
وهَدِّي هالبطّانِيِّة .. يا رَئيس البَلَدِية
وتغطّى بْهالمَحَطّة إنت والأفنديِّة
يا رَئيس البَلَدِية .. يا رَئيس البَلَدِية