يا دارة العلالي



للعرس، للحُبّ، للعزّ، للدارْ

 

يا دار يا دارنا حَنّ الهَوا فيكِ

يا مْعَوَّدِة عالوَفا الله يعَافيكِ

بطْلُب تضلِّك سعيدِة معزَّزِة يا دار

وبْوَابِك مْشَرَّعَة والحبّ راعيكِ

 

يا دارةِ العَلالي .. يا مٌسَوّرَة بالغَضَبْ

عَ جِبْهِةِ اللَيَالي .. إسْمِك ضُوِيْ وانْكَتَبْ

يا دارةِ العَلالي

 

يا بْنَيِّةِ الْـ عالفَرَسْ .. ومْشَنْشَلِة بالحِلى

يِنْدَهْ عَلَيْكِ الحَرَسْ .. لا تِجرَحِي بالحَلا

ناطورِنا اللي غِدِي .. عالكَرْمِ قبل النِّدِي

قلبو حِكي عَ الهوى واهْتَزّ نَهر القَصَبْ

يا دارةِ العَلالي

 

يا مْزَنَّرَة بالخَطَرْ .. صَوب السَّما تْلَفَّتِي

عَ بْيَادِرِكْ والشَّجرْ .. يِرْبَى هَدير الشِّتِي

أهل الوَفا مَيَّلُوا .. عَ بْيُوتِك اللي عِلُوا

كلمات أغاني فيروز
fairouziyat.com

يا خَصْر دايِب غِوى تحت الحكي والعَتَبْ

يا دارةِ العَلالي

 

من فَوقِ راس الجَبَلْ .. طَلُّوا وَعِيد وحِدَى

شَعر الصبيِّة انْجَدَلْ .. رايِة عَ وِجّ المَدى

طاب الرَّنين وغِلِي .. وصَوت البَشَايِر عِلِي

واللي انْكَتَب عالمَجد بِكلِّ سَيف انْكَتَبْ

يا دارةِ العَلالي