وطى الدوار

كلمات وألحان:
الأخوين الرحباني
بَعدك بتذْكُر يا وَطَى الدُّوَّارْ
بتذْكر حكايتنا
ولدين بالإيّام كانو زغار
يِلْفوا ع جيرتـنا

يبقوا يجوا قبل الضهر وسكوتْ
عَ هالطريق وفَيّْ
يعَمّروا حَدّ القَنَايِة بْيوتْ
يلعبوا بِالمَيّْ

وخلف السِياج اللي إلو دايِرْ
من شَوك الحْقَالِةْ
يضَلُّوا يغَنُّوا وشَعرهُن طايِرْ
وحالتُن حالِةْ

وشو يقعدوا ساكتين عَ بُكرا
وحْجار بإيدَيْهْ
نازل يزَيّح عَ كَعب سجرَةْ
وهِيِّة عْيونَا علَيْهْ

هالزّغارْ فَلّوا وصاروا كْبارْ
نِسْيُوا جِيرتنا
وَحْدك بتذْكُر يا وَطَى الدُّوَّارْ
وَحْدك حْكَايِتنا

بَعْدَك بتذْكُر يا وَطَى الدُّوَّارْ...