كلمات وألحان:
الأخوين الرحباني
هَونيك في سجرة وَرَا النبع الغميقْ
مَحْفُورلي صورة على كَعبَا العتيقْ
وضاع الهوى وتْغَيَّرتْ فينا الدِّني
وبَعدا الصورة ناطرَة حدِّ الطريقْ

ومَرَّة بِفَيّ غْصُونْها قلبي بِكِي
ورجعِتْلنا حكايِة الشال الليلكي
وَقفِة وتطليعات وشويِّةْ حكي
وعصفورة الـ عَ النهر ما عِندا رفيقْ

يا سَجرة الإيَّام غَيَّرنا الهَوى
فَرْفَطِلنا الورقات وعْرِينا سَوا
يا ناطرَة وَحْدِكْ عَلى مْهَبّ الهَوا
مِتْلِك أنا سَجرة على مَفرق طريقْ

كلمات أغاني فيروز - فيروزيّات

2006 - 2022

صُنِع بالـ♥