ليالي الشمال الحزينة

كلمات وألحان:
الأخوين الرحباني
لَيالي الشِّمال الحزينِة
ضَلّي اذْكريني اذْكريني
ويسأل عليِّي حبيبي
لَيالي الشِّمال الحزينِة

يا حبيبي
أنا عصفورة الساحاتْ
أهلي نَدَروني للشمس وللطرقاتْ
لسَفَر الطرقاتْ
لَصوتَك يندَهْني مع المسافاتْ
ويطلّ يحاكيني .. الريح الحزينِة

يا حبيبي
وبحبَّك عَ طريق غِيابْ
بِمَدى لا بيت يخَبِّينا ولا بابْ
خَوفي لَلبابْ
يتسَكَّر شي مَرّة بين الأحبابْ
وتطلّ السكينِة .. بلَيالي الحزينِة