كنا نتلاقى من عشية

كنّا نتلاقى من عشيّة

ونقعد على الجسر العَتيقْ

وتنزَل على السّهلة الضبابة

تمحي المدى وتمحي الطريقْ

 

وما حدا يعرف بِمَطرحنا

غير السّما وورق تشرينْ

ويقلّي بحبّك أنا بحبّك

ويهرب فينا الغيم الحزينْ

 

يا سنين اللي رِحْتِ ارْجَعيلي

ارْجَعيلي شي مرّة ارْجَعيلي

وانْسِيني عَ باب الطفولِة

تَ أركُض بشمس الطّرقاتْ

 

يا سنين اللي رِحْتِ ارْجَعيلي

ارْجَعيلي شي مرّة ارْجَعيلي

وردِّيلي ضحكات اللي راحوا

اللي بَعدا بْزَوايا الساحاتْ

 

بتذكَّر شو حكْيُوا عليّي

لمَّا نطرتْ وإنتَ نسيتْ

وصار الشتي ينزَل عليِّي

وإجا الصيف وإنتَ ما جيتْ

 

يا سنين اللي رِحْتِ ارْجَعيلي

ارْجَعيلي شي مرّة ارْجَعيلي

وانْسِيني عَ باب الطفولِة

تَ أركُض بشمس الطّرقاتْ

 

يا سنين اللي رِحْتِ ارْجَعيلي

ارْجَعيلي شي مرّة ارْجَعيلي

وردِّيلي ضحكات اللي راحوا

اللي بَعدا بْزَوايا الساحاتْ