كان الزمان

كان الزمان وكانْ .. في دكّانِة بالفَيّ
وبْنَيّات وصبيانْ .. نِجِي نلعب عالمَيّ
يبقى حنّا السكرانْ .. قاعد خلف الدكّانْ
يغنّي وتحزن بنت الجيرانْ

لالّا لالّا .. لالّا لالّا
لالّا لالّالّا لالّالّا لالا
أُوعى تنسِيني .. أُوعى تنسِيني
وتْذَكَّري حنّا السكرانْ

نحنا والعَصَافيرْ .. كِنَّا بالحَيّ ندورْ
صوب الدكّان نْطِيرْ .. حاملين غمار زهورْ
يبقى حنّا السكرانْ .. ملْهِي وعلى الحيطانْ
عم بيصوِّر بنت الجيرانْ

لالا لالا...

حلوِةْ بيت الجيرانْ .. راحتْ بِليلةْ عيدْ
وانْهدِّت الدكّانْ .. وتْعمَّر بيت جديدْ
وبَعدو حنّا السكران .. على حيطان النسيان
عم بيصوّر بنت الجيرانْ