حبيبي بدو القمر

حبيبي بدُّو القمر والقمر بعيد
والسما عاليِة ما بتطالا الإيد

طلعتْ على السطح دَلّوا عليِّي الناسْ
قالوا مدري شو بِها وخَبَّروا الحرّاسْ
قلتلُّن بدِّي القمرْ
قالوا القمر غالي
حقُّو عشر لْيَالي
عشر ليالي سَهَرْ

وإلي عشر ليالي .. عالسطح سهرانِة
وحاسِّة بِحالي .. تعبانِة ونعسانِة
خايفِة لَنام وينزَل القمرْ
ويلاقِيني غافيِة
وتسرقو جارتنا .. يللي مزاعلتنا
وتعطيه لحبيبي .. ويحبَّا حبيبي
وأنا صير غريبِة