بيتي أنا بيتك

بيتي أنا بيتك وما إلي حدا
من كِتِر ما ناديتك وِسِع المدى
نَطَرتك عَ بابي وعَ كلّ البوابْ
كتبتلَّك عذابي عَ شمس الغيابْ

لا تِهملني لا تِنساني
ما إلي غيرك لا تنساني
بلدي صارت مَنفى
طرقاتي غطّاها الشوكْ
والأعشاب البرِّية
ابعتلي بهاالليلْ
من عندك حدا يطلّ عليِّي

بيتي أنا بيتك وما إلي حدا...

لا تِهملني لا تِنساني
يا شمس المساكين
من أرض الخوف منندَهْلَك
ياشمس المساكين

من إيام المظلومين
من لَفتات الموعودين
عم إندهلك خلِّي يضوِّي
صوتك عليِّي
أنا عالوعد وقلبي طاير
صوبك غنِّية

لا تِهملني لا تِنساني
يا شمس المساكين...

أنا زهرة من زهورَك باركني ساعدني
بالدمع بتزرعني بالفرح بتحصدني
عدلك فاض عليِّي كَرَمك ضوَّاني
اذا كلُّن نسيُوني وحدك ما بتنساني
ناديتك من حزني
عرفت إنَّك مَعِي
اوْسَعِي يا مَطَارحْ
ويا أرض ارْكعي

لا تِهملني لا تِنساني
يا شمس المساكين...