قعدت الحلوة (راضية)

كلمات وألحان:
الأخوين الرحباني
قعدت الحلوة تغزل بْمغزالها
وتراجع حساب العتيق ببالها
عمر الهوى حكاياتها عهد المضى
وكيف غنّت للحلو موّالها

مش فايقة حكْيِتْ معو من أيمتي
مش فايقة يمكن بإيّام الشتي
سألت إذا بيحبّها وقلّلا اسكتي
وقرّب ومدري شو ترك عَ شالها

قدّيش يوما انقال وتْأَلّف حكي
وقدّيش وعيِتْ هالمخدة عالبكي
شو تغار شو تخبّي ولا كانت تشتكي
وغير القمر ما كان داري بحالها

واليوم حلما زهّر وعاشوا سوى
وبعدا ظنُونا كرْم بمهبّ الهوا
وجروح ليش تعدّها جروح الهوى
مازالها تركِتْ بِحقلو غْلالها

راضيِة بفيّة عيونو راضيِة
وناسية كلّ الجروج الماضيِة
وبدموعها البيضا عَ حُبّو ماضيِة
حُبّو سماها وأرضها وتلالها

وقعدت الحلوة تغزل بْمغزالها