يا حلو شو بخاف

كلمات وألحان:
الأخوين الرحباني
يا حلو شو بخاف إنّي ضيّعَكْ
نمرق على الجسر العتيق
وتروح منّي بهالطريق
لوين ما تقلّي ولا تاخدني معَكْ

يا حلو شو بخاف إنّي إسألك
ان كنّو بعد بتحبّني
قدّ البحر قدّ الدني
وبفزع لتضجر من سؤالي وْزَعّلك

يا حلو شو بخاف ليلة عاصفة
يخطر عَ بالك شي نجم
و تقوم تمشي بهالعتم
وإنطر أنا عالباب إنطر خايفة

ساعة إذا مرقت وما شفتك فيا
شو بشوف حالي زغيّرة
وَحْدِي بْهَوْنِي قنطرة
وعالدني ينزل ضباب ويمحيا

اعملني متل خاتم دهب بإصبعك
اتركني حاكيك وإسمعك
خدني على قلبك معك
دخلك بخاف، بخاف إنّي ضيّعك
يــــا حلـــــــــــو