كلمات وألحان:
الأخوين الرحباني
بكتب إسمك يا حبيبي عالحور العتيق
بتكتب إسمي يا حبيبي ع رمل الطريق
وبكرة بتشتّي الدني عالقصص المجرّحة
بيبقى إسمك يا حبيبي وإسمي بينمحى

بحكي عنّك يا حبيبي لأهالي الحيّ
بتحكي عنّي يا حبيبي لنبعة الميّ
ولمّا بيدور السهر تحت قناديل المسا
بيحكوا عنّك يا حبيبي وأنا بِنْتَسَى

وهديتني وردة
فرجيتا لصحابي
خبّيتا بكتابي
زرعتا عالمخدّة
هديتك مزهرية
لا كنت تداريها
ولا تعتني فيها
تَ ضاعت الهدية

وبتقلّي بتحبّني
ما بتعرف قدّيش
ما زالك بتحبّني
ليش دخلك ليش؟

كلمات أغاني فيروز - فيروزيّات

2006 - 2022

صُنِع بالـ♥