يا حَمام



يا حَمام ... يا مروَّح بلدك مِتهَنِّي

خليني أنوَّح وانتَ اللي تغنِّي

آه يا حَمام.. يا حَمام.. يا مروَّح

 

إِنْ شُفت حبايبي ورحتِلهُم

فَكَّرهُم في عذابي بِحُبِّي

سلِّملي عليهم واحكيلهم

على نار الشوق اللي فقلبي

ده هوايا هواك.. ودوايا دواك

مَ تاخدني معاك.. مَ تاخدني معاك

يا حَمام.. يا حَمام.. يا مروَّح

 

أنا زيَّك في الدنيا لوَحدي

وهوى اللي بحبُّه شغل بالي

حجبوه عن عيني وطال وَجدِي

وهنايا بكلمة يقولهالي

سلِّملي عليه.. والروح يإيديه

وبحنِّ إليه.. وبحنِّ إليه

يا حَمام.. يا حَمام.. يا مرَّوح

آه يا حَمام.. يا حَمام.. يا مروَّح