أَحبَّك مهما أشوف منَّك

أَحبَّك مهما أشوف منَّك

ومهما الناس تقول عنَّك

أَحبَّك.. أَحبَّك

مهما أشوف.. أشوف منَّك

 

تعالَ جنبي كلِّمني.. عِرِفْت الحبِّ وعرفتك

غيابك عنِّي علَّمني.. أكدِّب عيني لو شُـفتَك

جَفَاك لو زاد.. دَفَاك لو عاد

جَفَاك لو زاد.. أَحبَّك

وأقولها مهما أشوف منَّك

ومهما الناس تقول عنَّك

ومهما أشوف.. أشوف منَّك

 

أشوف الورد يتمايل على الأغصان ويتهنَّى

أقول يا ريت نتقابل ونِرْجَع للي كان بينَّا

زمانك فين.. يا نور العين

زمانك فين.. أَحبَّك

وأقولها مهما أشوف منَّك

ومهما الناس تقول عنَّك

ومهما أشوف.. أشوف منَّك