كيفك إنت

بتذكر آخر مرَّة شفتك سنتا

بتذكر وقتا آخر كلمة قلتا

وما عدت شفتك

وهلَّق شفتك

كيفك إنت ملَّا إنت

 

بتذكر آخر سهرة سهرتا عنَّا

بتذكر كان في وحدة مضايق منَّا

هيدي إمِّي

بتعتل همِّي

منَّك إنت ملَّا إنت

 

كيفك قال عم بيقولوا صار عندك ولاد

أنا والله كنت مفكِّرتك برَّات البلاد

شو بدِّي بالبلاد

الله يخلِّي الولاد

إي، كيفك إنت ملَّا إنت

 

بيطلع عَـ بالي

ارجع أنا ويَّاك

إنت حلالي

إرجع أنا ويَّاك

أنا وانت ملَّا إنت

 

بتذكر آخر مرَّة شو قلتلِّي

بدِّك ضلِّي، بدِّك فيكِ تفلِّي

زعلت بوقتا

وما حلَّلتا

إنّو إنت هيدا إنت

 

بترجع عَـ راسي

رغم العِيَل والنَّاس

إنت الأساسي

وبحبَّك بالأساس

بحبَّك انت ملَّا إنت