يا طير الوروار

كلمات:
الأخوين الرحباني
ألحان:
الياس الرحباني
دَخْلَكْ يا طير الوروار
رِحْلَك من صَوبُن مشوار
وسلّملي عالحبايب
وخبِّرني بْحالُن شو صار

عَ تلال الشمس المنسية
على ورق الدلب الأصفر
نطير ونعلا شوية شوية
وتصير الدنيي تزغر
وبكروم التين .. يندَه تشرين
يا حبيبي

يا ما بِسكوت القمرية
بسمع صوتك يندهلي
ليلية وخوفي ليلية
يُوعوا شي مرّة أهلي
وتتعب أسرار .. وتحزن أسرار
يا حبيبي