قدّيش كان في ناس

قدّيش كان في ناس
عالمفرق تنطُر ناس
وتشتّي الدني ويحملوا شمسية
وأنا بإيّام الصحو ما حدا نطرني

صار لي شي ميّة سنة مشلوحة بهالدكان
ضجرت منّي الحيطان
ومِستحيّة تقول
وأنا عيني عالحلى والحلى عالطرقات
غنّيلو غنّيات
وهوّي بحالو مشغول
نطرت مواعيد الأرض وما حدا نطرني

صار لي شي ميّة سنة عم ألّف عناوين
مش معروفة لمين
وودّيلن أخبار
وبكرا لا بدّ السما ما تشتّيلي عالباب
شمسيات وأحباب
ياخدوني بشي نهار
واللي ذكر كلّ الناس بالآخر ذكرني