كلمات وألحان:
الأخوين الرحباني
هيهات يا بو الزلف عيني يا موليّا
قدّام بيت الْـ لِكُن شو كنّا نتفَيَّا

- عوافي يا زهية .. يَالْـ ضحكتها صيفية

رزق الله شو نبقى هون نتلاقى من عشية

- هالله هالله عالإيّام .. تمرق كإنّا أحلام

وكلّ السهرات الحلوة منتذكّرها بغنّية

- بتذكّر مرّة بالدار .. زقّف قلبي فيّي وطار

لمّا طلبتِ منّي غنّيلك بالسهرية

- ومرّة بصبحية عيد .. تركنا الناس وفرح العيد

وقعدنا تحت الصفصاف حدّ نهورِةِ المَيِّة

- شفتِ لولا تجوّزنا .. شو كنّا سوى سعدنا

كان الصبي صار شبّ وإختو صارت صبية

- وبتذكّر مرّة بتشرين .. لمّا زعلنا ويا مسكين

كيف ضربتك هاك الكفّ وتْزاعَلنا لعشيِّة

- إنتِ ضربتيني كفّ؟

- شو الهيئة خرِفِتْ بكّير

- ماحدا بيضربني كفّ

- وعلّم برقبتك شهر

- بعدِك عنيدة وجفصة

- وبعدَك بفرد شقفة

- لو إنّك أحسن من هيك ما كنتِ بقيتِ بالبيت

- كل عمري أحسن منك

- اسكتي أحسن ما إحكي

- وشو بدّك تقدر تحكي

- دَخْلِك خاتم الأزرق ردَّيتيلو ياه لْفَضْلو

- حاجي بقى تكتّر حكي

- وفستان الْـ جابو الظابط دَخْلِك ردَّيتيلو ياه

- منّك ما قبلت هدية بدّي إقبل من غيرك؟

- نسيتِ سحاحير الليمون؟ نسيتِ كْيَاس البطاطا؟

- انْخِجِلْ اسْكُتْ

- إنتِ اسكتي

- بيًّك زَعْبَرْ

- بيِّك زَوَّرْ

- نشكر الله الْـ ما تْجَوّزْتَك

- نشكر الله ألف مرّة

- نشكر الله

- ألف مرّة

كلمات أغاني فيروز - فيروزيّات

2006 - 2022

صُنِع بالـ♥