عوافي يا بو صالح

ميجانا ميجانا ويا ميجانا
ضلّي اضْحَكي تَ يرجعوا غيّابنا

ربيع السهل من خدِّك بكي وغارْ
ونسايِم تضفُر لْشَعرِك نِدِي وغارْ
ويا نهر الشوق من صوبُن إجا وغار
بقلبي وصرتْ داير عالبواب
يا حالي

- عوافي يا بو صالح

- أهلا بالإخوان

- كيف حالك يا بو صالح

- الحقيقة تعبان

كنتوا وعدتوني .. بتجوا بتزوروني
ورحتوا ونسيتوني .. ونسيتوا اللي كان

- لا تغلط يا بوصالح، كنّا تعبانين

- شو بتتعبوا بالجملة

- العمر إلو حق صار الواحد منا بحدود الستّين

- وإذا شي حلواية طلّت

- يا زلمة كبّر عقلك

- عم نحكي إذا طلّت

- إذا طلت منشوف الله بيعين