هيك مشق الزعرورة

كلمات:
الأخوين الرحباني
ألحان:
فولكلور
بالضيعة ياللي عاشقة النجمات
بيسهروا بظلّ الهوى سهرات
وبيرقصوا رقصة بحبّا كتير
عَ غِنا الحلوين والحلوات

هيك مَشْق الزعرورة .. يا يُمّا هيك
هيك بتمشي الأمورة .. يا يمّا هيك
هيك مَشْق الزعرورة .. يا يمّا هيك
وهيك بتغنّي العصفورة .. يا يُمّا هيك

نحنا بعليِّة خضرا .. عملنا سهرة
وعَ جناح النسمة وعطرا .. تشوّقنا عليك

هيك مشق الزعرورة .. يا يُمّا هيك
هيك الحلوة و زهورا .. بيميلوا هيك

والحب اللي منتِيه .. بليل غنانيه
عم تسألنا لياليه .. وتغمزنا عليك

هيك مشق الزعرورة .. يا يمّا هيك
هيك الأحلام قصورا .. بتتعمّر هيك

أوف أوف أوف

هيك، يابا هيك، يابا هيك
يابا هيك هيك