نحنا ودياب الغابات ربينا

نحنا ودياب الغابات .. رْبِينا
بالليل الداجي الْعَتمات .. مشينا
للغابة ليالينا .. للريح غنانينا
هيك هيك نحنا هيك ربينا

للحبّ مننشُد نغمتنا للغادات
سيري يا بنيَّة لْخِيمتنا غَدْويات
تتهنّي بْديرتنا .. وبتغنّي لْعِشرتنا
وبتطِبلِك رفقتنا .. وبتحيِّينا

يا زينات يا زينات .. لي في الربع بْنَيَّة
إلْها عيون فتّانات .. ولْوَاحِظ سحرية

يا وَلْهان في الغابات .. هالحلوة الحُورية
هيّا هُون في الحَنوات .. عند سْواقي المَيَّة

دقّوا الألحان بجيرتنا .. يا شبّان
وخضرا ترقص على نغمتنا .. والألحان
لعيونك يا خضرا .. يا حلوَة يا سمرا
طير الغابَة الخضرا بِيْنَاجينا