الحلوة دي



الحلوة دي قامت تعجن في البدريَّة

والديك بِيِدَّنْ «كوكو كوكو» بالفجريَّة

يلَّا بنا على باب الله يا صنايعيَّة

يجعل صباحك؛ صباح الخير يا اسطى عطيَّة

 

صبح الصباح فتَّح يا عليم

والجيب ما فيهشِ ولا ملِّيم

بس المزاج رايق وسليم

باب الأمل بابك يا رحيم

 

ده الصبر طيِّب عال

بغيَّر الأحوال

يا اللي معاك المال

برضو الفقير له ربِّ كريم

 

إيدي بإيدك يا بو صلاح

ما دام مع الله تعيش مرتاح

خلِّي اتِّكالك عالفتَّاح

يلَّا بنا يلَّا الوقت أهو راح