لبنان الأخضر

من وين الحلوِة العليانِة
عَ الورد وأكترْ
تتموَّج متل النِيسانِة
بجبال العنبرْ
بِهالصحوة ترشّ غناني
وتقول وتسكرْ
حليانِة الدنيي حليانِة
بْلبنان الأخضرْ

لبنان الأخضر، لبنان
حليانِة الدنيي حليانِة
بْلبنان الأخضر

عالي عالي .. بْهَاللَيالي
ودُّولي حَبّة من ترابو الغالي
يا بْراجو أكبرْ .. من كل شي تعَمَّرْ
حليانِة الدنيي حليانِة
بْلبنان الأخضر

طلّت صورة .. عِيد قصورا
وقْمار تسافر عَ جْسورَة جْسورَة
ويدوب السكّر .. بِنَهر الكَوثرْ
حليانِة الدنيي حليانِة
بْلبنان الأخضرْ