كلمات وألحان:
الأخوين الرحباني
كيف الأحوال يا أسمرْ .. كيف الغنّياتْ
انْ شا الله بتكون عم تسهرْ .. إنت وهالجاراتْ
ليلْ مسحورْ .. ياسمينْ وزهورْ
وقلوبْ بالليلْ عم تِسْمَرْ .. يا أسمرْ

كيف الحلوينْ يا أسمرْ .. وغْنَاني الحلوينْ
بَعدو المَنتورْ مْزَهَّرْ .. عَ دْرَاجُنْ تخمينْ
باب مفتوحْ .. وسْتارْ بيلوحْ
والضَّوْ تعبانْ ومكَسَّرْ .. يا أسمرْ

كان في عيدْ .. عَ ليلْ مفتونْ
وبيتْ بعيدْ .. وعشَّاقْ وظنونْ

كيف العشَّاقْ يا أسمرْ .. ولْيَالي العشّاقْ
بَعدك بتروح تِتْحَسَّرْ .. تَ تعمل مشتاقْ
مين ودَّاكْ .. ع فريزْ شبَّاكْ
وخلاكْ بدارُن تسْهَرْ .. يا أسمرْ

كلمات أغاني فيروز - فيروزيّات

2006 - 2022

صُنِع بالـ♥