كان ياما كان ليل وقمر عشقان



كان ياما كانْ .. ليل وقمر عشقانْ

وبيتِنا الهَنِي .. يضْوِي على الدِّني

ويزورِنا نيسانْ

 

كان يا ماكان .. حُبّ وهََنَا وألحان

ونحنا عَالهوى .. نمشي الدربْ سوى

بِمْطارِح الألوانْ

 

وتْغَيَّرِتْ لَيالي .. وتْبَاعَدِتْ لَيالي

رَبيعي انْتَهى .. ألِيفِي الْتَهى

وبَعْدو الهوى بِبالي

 

كان يا ماكانْ .. زار الدِّني نيسانْ

رجع القَمرْ .. عَ مَفرق الشجرْ

وما رَجّع اللي كانْ