كلمات وألحان:
الأخوين الرحباني
أوف أوف راجعة
راجعة راجعة أوف

قالوا ابعدي بتنسيه وبتنسي هواه
وبتستريحي من عذابو ومن شقاه
قالوا ابعدي والبعد بيخلِّي الجريح
ينسى جروحاتو ويعود لهناه

وبعدت عَ مطرح هَني كلُّو أمان
وقلت بدِّي شيل من قلبي الحنان
وإرجع متل ما كنت غنِّي من زمان
لا عاشقة ولا إسهر وإركض وراه

بعدنا خلص، لازم نلملم هالدّْموع
ومن قلبنا نمحي المحبِّة والولوع
وشِرقِتْ الشمس كتير حلوة بهالربوع
وغَنَّى على شباكنا البلبل غِناه

لا القلب ناسي ولا الدموع مكَفْكَفِة
ولا الشوق خفّ ولا بتهدا العاطفة
والعمر ناقص هون شو؟ مش عارفة
وسمعت صوت بعيد وعرفته نداه

ولك راجعة وحياة عينو راجعة
والقلب عم يسأل وعيني دامعة
ولك راجعة أُوقف عَ بابو خاشعة
استغفرو عن غيبتي وإطلب رضاه

كلمات أغاني فيروز - فيروزيّات

2006 - 2022

صُنِع بالـ♥