مرقوا الحصادين

كلمات وألحان:
الأخوين الرحباني
مرقوا الحصادين.. مرقوا طيور البرد
يبسوا وراق التين.. والغيم تلّا الجرد
وعم ينزلوا حساسين.. يبكوا بفيّ الورد
وناطورة الياسمين.. بعدا ما رجعت بعد

- مين ناطر مين مين ناطر

عَ بواب الشوق مين ناطر

- ناطرها تطلّ وتقلّي

يا هالمتعوب شو ناطر

- وِانْ كان البعد نسّاها

بتضل تغنّي وناطر؟

- بيضلّ العاشق عاشق

والناطر بيضلّو ناطر

نحنا بكيّر.. حبّينا
حبّينا كتير.. حبّينا
ضوّينا شبابيك الغربة
وكتبنا السهر علينا

- وِانْ كان الهوى عذّبنا

ومشّانا صوب المخاطر!

- خلّي عينيها تندهلي

صوب المخاطر بخاطر

طال الحكي عَ باب بيتُن طال
وتنهًّدِتْ وتكسّر الموّال
ولمّا عيونا بالدمع ضحكوا
ما عرفت يللي انْقال كيف انْقال

مغيّرة، مغيّرة.. وموَلْدَنِة، مولدَنِة
وخدودها خير السنة
يا مين قطف يا مين جِنِي
وزغيّرة، زغيّرة.. ومزيَّنِة مزيَّنِة
وعيون بتقول اسكني
فيّي وطيري يا دني

يا حلوة اللي الهوى
دبّل عينيكِ الهوى
اللي غدي لْحَيّكُن قلبو عشق واكتوى
لمّا حكيتي شَعْشَعُوا
نجوم البكي وتلوّعوا
يا طيور طلّوا تْسَمَّعوا
ويا حَور عالمَيّ انحني

يا حلوة اللي السهر
هدهد حلاها السهر
طال الحكي عالحكي وضوّى عليكِ القمر
والناس طلوا يسألوا
لما الْتَوى الخصر الحلو
يا قمار عالأرض انزلوا
ويا ليل ليٍّل عالدني