كانوا صغار + عمرها



- كانوا زغار وعمرهُن بعدو طَري

ولا من عرف بهمّن ولا من دري

يقلّا بجيب الريح تَ تلعب معك

وبكتب عيونك عالشتي تَ تكبري

 

- كان ياما كان في بنت وصبي

يقلّا بعمّرلك قصر تَ تلعبي

وطال الزمان وبعد في كومة حجار تصرّخ يا إيام الزغر لا تهربي

 

- وطلّيت عَ حيُّن بعد غيبة سنة

لقيت الدني متغيّرة بهاك الدني

متل الغريبة مرقت قدام البُواب

وماحدا منهُن سألني شو بنِي

 

يابا أوف سهّرنا سهّرنا

يا ليل الأزرق سهّرنا

وعاحدود النجمة سفّرنا

 

يابا أوف مرجحنا مرجحنا

يا بيت الحلوة مرجحنا

كلمات أغاني فيروز
fairouziyat.com

وعلى إيّام الشوق اشلحنا

 

يابا أوف بعينيي بعينيي

يا قصص العمر المنسية

وعتبك عم يشكي بعينيي

 

يابا أوف عم تومي عم تومي

يا بيوت بزنبق مرسومِة

عالعالي سطوحك عم تومي

 

إنتِ من وين؟

أنا من بلد الشبابيك المجروحة بالحب المفتوحة عالصدفة

وإنتَ من وين؟

أنا من بلد الحكايات المحكيّة عالمجد ومبنية عالإلفة

 

مرقوا مبارح عالعالي

مرقوا فوق الليالي

 

كانت إيديهُن ممدودة.. وعيونُن عم تتطلّع

صوب الإيام المشهورة.. يمشوا والراية تلمع

كانت عَ وجوهن مكتوبة

أسامي أهلُن مكتوبة

أعمارُن ضحكات زغارن

كلمات أغاني فيروز
fairouziyat.com

والريح تروح وترجع

 

كانت أصواتُن مسموعة

متل الشلال الهادر

وإيديهن سمرا مرفوعة

تحصد قمح البيادر

صاروا الغنية العم تزرع

بالأرض العطشانة تزرع

صاروا البيدر صاروا المصدر

والشمس اللي عم تطلع

 

عمّرها

بإيدين تعلّي بسواعد

بالمجد وبالقصد المارد

عمّرها تضحك بيادرها

 

عمّرها

بجوانح بيضا بمحبّة

بقمح يكبر حبّة حبّة

عمّرها وزيّن قناطرها

 

عمّرها

عَ أساس الحيطان الصلبة

كلمات أغاني فيروز
fairouziyat.com

عالعتبة بتساند عتبة

عمّرها ونسّم يا شجرها

 

عمّرها

بيوت مضوّاية ومقصودِة

على إسم النعمة مرصودِة

عمّرها وضوّي يا قمرها

 

عمّرها بسواعد عمّرها يإيدين

عمّرها بمحبّة واسقيها بريف العين

يابا يابا يابا أوف