كان ياما كان

كلمات وألحان:
الأخوين الرحباني
كان ياما كان .. بنت وقمر أخضرْ
يِلْفِي عليها وكان .. بالقنطَرَة يِسهَرْ
شيلني بإيديكْ .. لبعيد بعّدني
مشغول بالي عْلَيكْ .. حُبّك بيحصدني

وبَعدك بَقلبي وردة الورداتْ
ومفتّحة ورقة على ورقة
لانْقش على ترابك الغنّياتْ
علّق عَ بابَك خرزتي الزرقا

حبّيتك وغنّيتْ .. صوتي نَدَرتلّك
عَ كلّ تلّة وبيتْ .. قصّة كَتَبتلّك
عَ كلّ سطح ودارْ .. عَ كلّ تعريشِة
لا خلصِتْ الأشعارْ .. ولا تعبِتْ الريشِة
إنت زهر العمرْ .. ولمّا الهَوَى بيهبّ
بيهبّ فيك الشِّعرْ .. إنت الشِّعر والحبّ

وبعدك بقلبي وردة الوردات
...

قصرَك يا برج المتِّكي .. عالعاصفِة والريحْ
وقْبَابَك اللي مْشَبَّكِة .. عالغيم رسمِةْ زِيحْ
يا دْرَاجَك اللي منوَّرَة .. بخصور ومشاويرْ
يا ألف درب مْدَوَّرَة .. تلفّ الدني وتطيرْ

وبيوت مفتوحةْ .. عالخير مفتوحةْ
تطلع الشمس تضوِّيَا
والتلج ينزل يسقِيَا
صيف وقمر نشتُل فِيَا
والعمر مرجوحةْ

وبعدك بقلبي وردة الوردات
...

وكان ياما كانْ
سيف الرضى سهرانْ
للأبد عَ محبّتك سهرانْ
يا لبنان