يدور الدوري

كلمات وألحان:
الأخوين الرحباني
يدور الدوري ويحاكي.. يحاكي المنتور
المنتور الـ عَ شبّاكي.. وشبّاكي يدور

بعدو الأسمر ناطرنا.. ناطرنا بعيد
بعيد وتغوي قناطرنا.. قناطرنا عيد
تلوّعنا وتحسّرنا.. وهالشوق يزيد
وبعتنا وما قصّرنا.. محبّة وزهور

قلّي ان كان بعدك فايق.. فايق عالعين
العين اللي نبعا رايق.. رايق يا عين
وتحكي وشو حكيك عايق.. حكيوا القلبين
حكينا بخمس دقايق.. عن خمس شهور

أهل الحلى عم يسألوا عَنّا
مرقوا وقطفوا ورد من عِنّا
وكلّ يوم بيبعتوا مرسال
بلكي منرجع متل ما كنّا

ميّل عالبيت العالي.. عالي ع دراج
دراج تزنّرها دوالي.. ودوالي سياج
غالي عَ قلبي غالي.. ويا قلبي حاج
يعمّرلك عالعلالي.. علالي وقصور