نسّم علينا الهوا

كلمات وألحان:
الأخوين الرحباني
نسّم علينا الهوا __ من مفرق الوادي
يا هوا دخل الهوا __ خدني على بلادي

يا هوا يا هوا __ يللي طاير بالهوا
في منتورة __ طاقة وصورة
خدني لعندن يا هوا
فزعانة يا قلبي __ إكبر بهالغربة
وما تعرفني بلادي
خدني خدني
خدني على بلادي

شو بنا شو بنا __ يا حبيبي شو بنا؟
كنتوا وكنّا __ تضلّوا عنّا
وافترقنا شو بنا
وبعدا الشمس بتبكي __ عالباب وما تحكي
ويحكي هوا بلادي
خدني خدني
خدني على بلادي