يا مغزال

لَروح بين الشمس والفَيِّة
وبُواب حلوة تشرق عليِّي
سلّم عالبيوت الْـ عَ هالطرقات
وحاملة بلادي بعينيّي

ويا مغزال الْـ عم تغزل .. والغزل داير، داير
حكي تغزل قصص تغزل .. تغزل حراير، داير
للعصفورة الأمورة
بدنا نعمل تنورة
إلها عقد زغيورة
والكشكش طاير، طاير

يا معلّم ركّز ميزانك .. عالخيط ويلّا
يا معلّم
تَ الجسر يهلّ وبنيانك .. حيطو يتعلّا
يا معلّم
وارجاع لوّح للسمرا
تَ تجيب مَحْرمْتَا الحمرا
وتودّيها .. وتدهن فيها
لون سطوح العماير

يا كرّام انطُر كرومك .. عَ راس الوادي
يا معلّم
حلْيُو عناقيدُن يا همومك .. من هالصيادي
يا معلّم
والخوف لمّا بيطلوا
الحلوين بدّن يتسلوا
أوعى تغفل .. ترجع تسأل
بكرا بْكرمك شو صاير

يا شب اللي خالص شغلك .. وقّف حاكيني
يا معلّم
أنا خلصت شغلي متلك .. لو بتلاقيني
يا معلّم
وندور نرقص عالدبكة
وكل مين رح يحكي يحكي
إنت قبالي .. ويا نيّالي
والهوى فينا طاير