يا شاويش الكَرَكُون



أرضك غَنيِّة.. ما شا الله

بيوتك رَضيِّة.. من الله

وعَ جبالك العزّ رايِة عَلِيِّة.. عافى الله

 

يا شاويش الكَرَكُون.. وحياتك لا تأخّرنا

إم الأصفر عالبلكون.. قالت بدّا تنطرنا

يا شاويش الكَرَكُون

الكَرَكُون الكَرَكُون

 

ردّت ردّت قمطتها.. عالغرّة العسلية

والشوق اللي بلفتتها.. من إيّام الصيفية

ولمّا طارت غرّتها.. والهوا لوّح جبهتها

غرّبتنا بْجَوز عيون

عيون عيون عيون عيون

 

شدّت شدّت زنّارا.. عَ زهور الخصر المايل

والياقوتة المحتارة.. مشكولة بالجدايل

ولمّا بهاك الإشارة.. قلتلّا بحبّك يا جارة

قالت حبّي كلّو جنون

جنون جنون جنون جنون