كلمات وألحان:
الأخوين الرحباني
عِنَبيّة .. القمطة عنبية
من عشيّة .. لبستْها الصبية
وغمزة الصبية عنبية

أوف .. أوف أوف
راحتْ عالمزارِع .. والمزارع
فيها الزهر وَالِع .. بالمزارع
ومن حقلة الزنبق .. نقّت قمر أزرق
وشكّتو بالقمطة العنبية

أوف.. أوف أوف
وقفتْ عالمفارق .. والمفارق
فيها الهوا مارق .. عالمفارق
وقالتلو بإيدي .. كَتَبْت القصيدة
بِوْراق المحبّة وبعينيّي

أوف.. أوف أوف
مِرخيّة الجدايل .. والجدايل
يا لون السنابل .. عالجدايل
واللي علّموكِ .. عالغِوى ربّوكِ
وزرعوكِ وردة على مَيِّة

كلمات أغاني فيروز - فيروزيّات

2006 - 2022

صُنِع بالـ♥