- كلمات وألحان:
- الأخوين الرحباني
شتّي يا دنيي تَ يزيد.. موسمنا ويحلى
وتدفق مَيّْ وزرع جديد.. بحقلتنا يعلى
خلّيلي عينك عالدار.. عَ سياج اللي كلّو زرار
بُكرة الشتوية بتروح ومنتلاقى بنُوّار
يحلى عيد.. يضوي عيد
نزرع ونلمّ عناقيد
وانْطرني لا تبقى تفلّ.. وتتركني وَحدي عَ مطلّ
جمّعتلك حرج زهور ياسمين ومنتور وفلّ
زهر بإيد.. وقلب بإيد
يا خوفي لاقيك بعيد
وانطرني بحقول الريح.. الدنيي عناقيدا تلاويح
خبّيني بفيّة عينيك جرّحني حبّك تجريج
قول وْزِيد.. غنّي وْعِيد
نزرع هالأرض مواعيد