كلمات وألحان:
الأخوين الرحباني
جسر المحبّة الصداقة
الإيدين الْـ بدّا تتلاقى
جسر شبابيك المفتوحة
عَ جناين مخضرّة شْلُوحا
والجسر الدرب اللي مسافر
عَ مطارح ما إلها أخر

أوف أوف
وما زال في جسورة
بهالأرض مشرورة
بدّن يضلّوا الناس
يجوا لعند الناس
وتزورنا الدنيي ونزورا

ويا حلو الْـ عالجسر لاقيتك
دلّني دخلك على بيتك
بكّير ببعتلك العصفورة
تَ تخبّرك قدّيش حبّيتك

ديروا المَيِّة ديروا المَيّْ
خلّي يشرب كلّ الحيّْ
خلّا تشرب كلّ الدنيي
ويعلا الزرع ويحلا الفيّْ

بيتك حدّ العين سياجو .. والزنبق عَ غصونو
عالخيمة اللي فوق دراجو .. غاطط رفّ سنونو
قدّامو قناية .. بالشمس مضوّاية
حكينا حدّا حكاية .. وتشرب قلّك خَيّْ

ونطرتك عَ نبع الغيضا .. بلكي بتلاقيني
في بإيدي زهرِة بيضا .. والحبّ مبكّيني
شافوني جيراني.. عالمفرق حيرانة
افتكروني تعبانة .. وقالوا عنّي خْطَيْ

عنّا جارة زرعت حبقة .. شو رح نعمل فيها
ما في عنّا مَيّْ بتبقى .. من عنّا تسقيها
كيف حالك يا جارة .. نوّرتي هالحارة
تْعَيْ لعنّا زيارة .. ونحكي نحكي شوَيْ

عالي عالعالي ___ دارك بتلوح قبالي
طرقات الليل بعيدة ___ لا تتركني لحالي
رحت تخبّيت بداري ___ لقيت الحبّ مخبّالي
عالي عالعالي ___ دارك بتلوح قبالي
عالي عالي عالعالي ___ دارك بتلوح قبالي
يا إيدك بإيدي .. وبقلّك سعيدِة
خلّينا نتلاقى .. ببيوتنا السعيدِة
وتاخدنا الليالي .. بسطوح العلالي
ضيعتنا ببالي .. وطريقك ببالي
وعناقيد العريشة حليانة ببالي
سمانا ببالي
جبلنا ببالي
سمانا وجبلنا
سمانا وجبلنا
ببالي

كلمات أغاني فيروز - فيروزيّات

2006 - 2022

صُنِع بالـ♥