دبكة دوارة

يابا أوف...
يابا أوف...

دوّارة عالدوّارة.. دار الحكي
هجروا الأحبّة الحارة.. ليش البكي

دوّارة دوّرتيني.. سهل وجبل
تحت الندي نسيتيني.. وبالي انشغل
ما سألتي ما ذكرتيني.. وغيرك سأل
وانْهَدِّتْ الياسمينة.. وعِنقا تِكِي

دوّارة عَ اللي داير.. صبح ومسا
وبفيّة الضفاير.. عمْرُو انتسى
وقاسي يا هوى صاير.. ليش القسى
صبية شعرا طاير.. وملبّكة

دوّارة عَ اللي قاصد.. يقطف حَبَقْ
وبإيّام الحصايد.. قلبو احترق
قالتلي شفتك قاعد.. تكتب ورق
قلتلّا هالقصايد.. كلُّن لِكِ