- كلمات وألحان:
- الأخوين الرحباني
يا قمر مشغرة يا بدر وادي التيم
يا جبهة العالي وميزّرة بالغيم
قولوا انشالله القمر يبقى مضوّي وقمر
لا يطال عزّو حدا ولا يصيب وجّو ضيم
خطّة قدمكُن عالأرض هدّارة
إنتو الأحبّا وإلكُن الصدارة
خطّة قدمكُن عالأرض مسموعة
خطوة العزّ وجبهة المرفوعة
ويا حلوة اللي عالحلى عم توعى
عنقك العقد وإيدك الإسوارة
طالع عَ شهب النار مهرك طالع
والبرج بالزينة الغريبة والع
ضحكت صبية وحليت المطالع
شعرك قصيدة والخصر بزّارة
طيري وخلّي هالقلوب يطيروا
بلكي الهوا بيبعّد نواطيرو
يا صبح ورد وزقزقوا عصافيرو
إنت القمرة ونجمة القمرة