بيّي راح مع هالعسكر

بَيِّي راح .. مع هالعسكر

حِمِل سلاح .. راح وبكّر

بَيِّي علّا .. بَيِّي عَمَّرْ

حارب وانْتَصر بِعَنْجَر

 

خدتلّك زوّادة .. عالكرم الْـ بالوادي

قلتلّك خبّرني حكاية حكيتلّي عَ بلادي

شفت جبال الْـ عم تتمَخْطَرْ .. ومزارع تخضرّ وتكبر

 

ولمّا طلعنا سويِّة .. عالضيعة الجردية

قلتلّك هالسفرة حلوة بسّ بعيدة عليّي

قلتلّي في سفرة أكبر .. بدنا نتعب فيها أكتر

 

يا بو السيف القاطع .. ملعب خيلك واسع

وقواس الزينة منصوبة لعزّك إنتَ وراجع

والصبايا ترشّ العنبر .. وبلادي عَ إيدك تعمَرْ