طيري يا طيّارة

طيري يا طيّارة طيري.. يا ورق وخيطان

بدّي إرجع بنت زغيرة.. على سطح الجيران

وينساني الزمان.. على سطح الجيران

 

علّي فوق سطوح بعاد.. عالنسمة الخجولة

أخدوني معهن الولاد.. وردّولي الطفولة

ضحكات الصبيان.. وغناني زمان

ردّت لي كتبي ومدرستي والعمر اللي كان

وينساني الزمان.. على سطح الجيران

 

لو فينا نهرب ونطير.. مع هالورق الطاير

تَ نكبر بعد بكّير.. شو صاير شو صاير

ويا زهر الرمّان.. ميل بهالبستان

تَ يتسلّوا صغار الأرض ويِحْلَوّ الزمان

وينساني الزمان.. على سطح الجيران