جايبلي سلام

بكّير طل الحب عَ حيّ الْـ لِنا
حامل معو عتوبة وحكي ودمع وهنا
كنّا وكانوا هالبنات مجمّعين
يامّي وما بعرف ليش نقّاني أنا

جايبلي سلام عصفور الجناين
جايبلي سلام من عند الحناين

نفّض جناحتو.. عَ شبّاك الدار
و متل اللي بريشاتو.. مخبّي سرار سرار
قلّي عالرمانة.. غطّيت وحاكاني
وبعيونو الدبلانة.. شفت الهوى بايِنْ

شو قلّي شو قلّي.. عتبان المحبوب
ما بدّك تطلّي.. ابْعتيلو مكتوب
ودّيلو شي ورقا.. عليها كتيبة زرقا
وامْرقيلك مرقة.. مطرح مَنّو ساكن

كل ليلة عشية.. قنديلك ضوّيه
قوّي الضوّ شوية.. وارجعي وطّيه
بيعرفها علامة.. وبيصلّي تَ تنامي
وتقومي بالسلامة.. ويبقى قلبك لايِنْ