عَ دروب الهوى

عَ دروب الهوى مشّاني حبيبي

عَ دروب الهوى مشّاني

وعَ كرم الهوى وصّلني حبيبي

وعنقوده استوى وناداني ناداني

 

سوا سوا رحنا نمشي إيد بإيد

والهوا يلوّحنا متل العناقيد

غمرني بالهنا

وسحرني بالغنا

حتّى إسمي أنا

نسّاني

 

عَ سنيني أخدني، سنيني صاروا عيد

أخدني ووعدني بحلا وعمر جديد

بِهالعمر الهَنِي

سنة ورا سنة

عمّر إلي دني

حليانة

 

عمّرلي عماير عَ حفاف القمر

علالي وقناطر عَ مدّ النظر

ولمّا طلّ القمر

سألني شو الخبر

قلتلّو يا قمر

عشقانة