ع بالي يا قمر



عَ بالي عَ بالي عَ بالي .. عَ بالي لاقيك يا قمر

عَ بالي إجِيلك لحالي .. غَنّيلك تَ يِحْلا السهر

عَ بالي عَ بالي .. يا صَفْو اللَّيالي

عَ بالي إجِيلَك لَحالي

غَنّيلك تَ يِحْلا السهر

 

عَ بالي غَنّيلك حبيبي .. غِنّيةْ لَيالي الهَوى

ويهبّ الهَوا يا حبيبي .. سلّملي يا هْبوب الهوا

يا هْبوب الهَوا يا هَوا .. رَجِّع لَيالينا سوا

وِانْ كَنُّو مش راجع حبيبي .. يا هَوا يوَدِّيلي خَبَرْ

 

يا سجرة عَ باب الحبايب .. مشتاقة واللَّون لَيْلَكي

ورح نِتْكِي عَ باب الحبايِبْ .. مطرح ما البْنَفْسَج تِكِي

وبْغَنّي غنّيّة لِكِ .. غنّيِّة مِليانة بِكي

يا ريتو ما كان في مَرَاكب .. يا ريتو ما كان في سَفَرْ

 

ما بدّي أَسَاور وعْقُودِة .. ولا بدّي شالات القَصبْ

ولا بدّي خَوَاتِم جْديدِة .. حبيبي الدّهب يا دهبْ

حبيبي يا وَرد وعِنبْ .. منديل من دْمُوع وعَتَبْ

وِانْ كَنّو مش راجع حبيبي .. يا هَوا يْوَدِّيلي خَبَرْ