إسوارة العروس

إسوارة العروس مشغولِة بالدهبْ

وإنتْ مشغول بقلوبْ يا تراب الجنوبْ

رسايِل الغِيَّاب مكتوبِة بالسهر

وإنت بالعزّ مكتوب يا تراب الجنوبْ

وبتولع حروب .. وبتنطفي حروبْ

وبتضَلّك حبيبي يا تراب الجنوب

 

اللي حامل عَ كْتافو زيتون وسنابل

قلعةْ بحر صور وصخرةْ جبل عامل

اللي حامل وْرَاق .. شُعَرا وعشّاق

القمر مخَبِّيلُن لعراسُن خَواتمْ

ما بيقدر يحمُل ظالمْ

وشو ما إجا شعوب .. وشو ما راح شعوب

كلُّن راح بيفلّوا .. وبيبقى الجنوبْ

 

لمّا بغنّي إسمك بشوف صوتي غِلي

إيدي صارت غيمِة وجبيني عِلي

الشمس بتطلع سودا وبْيِيْبَس المَوجْ

إذا بفَكِّر إنّو ترابك مِش إلي

ويا شعب الشعوب .. الأقوى من الحروبْ

بتبقى إذا ببقى .. يا شعب الجنوبْ