أسامينا

أسامينا، شو تعبوا أهالينا
تَ لاقوها، وشو افْتَكَروا فِينا
الأسامي كلام .. شو خَصّ الكلام
عينينا هِنِّي أسامينا

لا خضر الأسامي ولا لَوزيّات
لا كحلي بحري ولا شتويات
ولا لونُن أزرق قديم ما بيعتق
ولا سَود وْساع ولا عَسَليات
ولا فيهُن دار .. دار الخمّارْ
عَلَينا وبَلّش يسقينا

تلج ووَرَق طاير والمَسا حزينْ
وضَباب وقَناطر، ونحنا بردانين
لَمْلَمْنا أسامي، أسامي عشّاق
من كتب منسيِّة وقصايد عْتاق
وصرنا نجَمِّع .. أسامي ونوَلِّع
تَ صاروا رْماد، وما دْفينا