كفى يا قلب تشرد

كفى يا قلب تشرد في ربوعو

ومتل الطفل تسأل عن رجوعو

شردوا عيونه ومحي

صورة غرامك من ضلوعو

 

اتركو بكرا بتتحرك شجونه

وعلى هالدار بيرده جوعه

ما في غيرنا بيروي حنينه

وما في غيرنا بيمسح دموعه

 

حبني اليوم وانساني بكرا

بحفظ لك دوم بقلبي ذكرى

شو نفع اللوم شو نفع الحسرة

حبّني اليوم وانساني بكرا

 

حبك ضباب وغــيــوم بتزور

كل الهضاب وكل الزهور

أنا زهرة لقلبك يحييها قربك

رويها بحبك بغيومك مرة

 

حبك غـــدير حــلو الــعبــور

صافي يسير وحوله الطيور

أنا طير معذب ناطر يترقب

خليني أشرب تكفيني قطرة

 

من غير نوا من غير نفور

نشرد سوا متل الطيور

كل يوم بملقى منسعد ومنشقى

بكرا ما بيبقى من غير الذكرى